მესამე დღის რეფლექსია.

მესამე დღე დავიწყეთ ნასწავლის გადახედვით.გავეცანით კოლეგების იდეებს დავეხმარეთ ერთმანეთს იდეების დახვეწაში.შევიმუშავეთ მიზნები, გადავხედეთ სტანდარტებს. ვიმუშავეთ შაბლონში. გვქონდა შეფერხება ინტერნეტის გამო,რამაც საკმაოთ შეგვიშალა ხელი.

პროექტის სასწავლო მიზნები.

-მოსწავლეებმა გამოიყენონ ელექტრონული და ბეჭდური მასალა ინფორმაციის შესაგროვებლად ერეკლე მეფეზე.
-შეაფასონ ერთ-ერთი სანიმუშო მეფის ერეკლე მეფის მოღვაწეობა.
გამოკვეთონ მისი თვისებები  სხვადასხვა კუთხით.(თავისუფლებისათვის მებრძოლი,მამაცი, კარგი პოლიტიკოსი, რეფორმატორი)
გაიაზრონ რას ნიშნავს სამშობლოს სიყვარული. მისადმი თავდადება და თავგანწირვა.
-გააკეთონ საცნობარო გვერდი, რომელსაც ერეკლე მეფისადმი მიძღვნილ ღონისძიებაზე წარადგენენ 7 ნოემბერს.

მეორე დღის რეფლექსია.

დღევანდელ დღეს, ვისწავლეთ ბლოგის შექმნა,ბლოგის ფონის რეგულირება. შევიმუშავეთ პროექტის იდეა და ავტვირთეთ ბლოგზე.

ჩემი პროექტის იდეა.

           ,,ეს ჩვენი მეფე ერეკლე,ერთი პატარა კახია''
 საქართველოს ისტორიაში ერთ-ერთი გამორჩეული ფიგურაა ქართლ-კახეთის მეფე ერეკლე-2 . მან მრავალი გამარჯვება მოიპოვა რიცხმრავალ მტერზე და ლეგენდად იქცა. მისი მოღვაწეობის უკეთ შესასწავლად, რომელიც მოსწავლეებში გააღრმავებს ცოდნას საკუთარი ქვყნის წარსულზე, საკუთარი კუთხის შვილზე, კახეთის ერთ-ერთ საამაყო მეფეზე, რომელიც გამოირჩეოდა თავისუფლებისათვის ბრძოლით, სიმამაცით კარგი პოლიტიკითა და რეფორმატორის ნიჭით.
     მოსწავლეები მოიძიებენ დამატებით ინფორმაციას,  მოთხრობებს, ლექსებს, შექმნიან ნახატებს, რაც მათში აამაღლებს ეროვნული თვითშეგნების დონეს, გაუმძაფრებთ ქვეყნის სიყვარულს.
   რაც ყველაზე ხაზგასასმელია ასეთი მეთოდით უფრო სიღრმისეულად და მყარად შეისწავლიან ბავშვები აღნიშნულ თემას.

ინტელის ტრენინგი იწყება...

ველოდები სიახლეებს, რომელიც სასწავლო პროცესის უკეთ წარმართვაში დამეხმარება.